İranda saxlanılan italiyalı jurnalistin azad edilməsinə İlon Mask köməklik göstərib?

İran Xarici İşlər Nazirliyinin rəsmi nümayəndəsi Esmail Bəqai "New York Times" (NYT) qəzetinin italiyalı jurnalist qadın Sesiliya Salanın azadlığa buraxılması ilə bağlı yaydığı iddiaya münasibət bildirib.

Oxu.Az-ın xəbərinə görə, Bəqai İlon Maskın İranın BMT-dəki daimi nümayəndəsi Əmir Səid İrəvani ilə Nyu-Yorkda əlaqə saxlaması və italiyalı jurnalist qadının azad edilməsində Tehran razı salması barədə ABŞ nəşrinin xəbərini təkzib edib və bunu KİV-in uydurması adlandırıb.

Nəzərə çatdıraq ki, bu barədə NYT yanvarın 15-də mənbələrə istinadən məlumat verib.

10:28

ABŞ-li milyarder İlon Mask 2024-cü ilin dekabrında İranda saxlanılan italiyalı jurnalist Sesiliya Salanın azad edilməsi üçün Tehranı razı salmağa köməklik göstərib.

Oxu.Az-ın xəbərinə görə, qızın azadlığa buraxılması və vətəninə qayıtması barədə "The New York Times" (NYT) nəşri öz mənbələrinə istinadən məlumat verib.

Qəzetin məlumatına görə, İlon Mask bu məsələni İranın BMT-dəki daimi nümayəndəsi Əmir Səid İrəvani ilə müzakirə edib.

Qeyd edək ki, Sala dekabrın 19-da "ölkənin qanunlarını pozduğuna görə" həbs olunana qədər İranda jurnalist vizası ilə işləyib.

Danışıqlar davam etdiyi müddətdə təfərrüatlar açıqlanmayıb, çünki səlahiyyətlilər və italiyalı qadının qohumları məxfiliyin qorunmasını istəyiblər. Uğurlu diplomatik fəaliyyətin nəticəsi olaraq qadın yanvarın 8-də İtaliyaya uçub.