İslam İnqilabı Keşikçiləri Korpusu (İİKK) digər ölkələrin neft nəqli üçün Hörmüz boğazından istifadəsinə qadağa qoymağa hazırdır.
Oxu.Az xəbər verir ki, belə bir bəyanatla İİKK-in rəis müavini İsmayıl Kövsəri çıxış edib.
“İran neftinin ixracına maneələr yaradılacağı təqdirdə biz neftin dünya ölkələrinə Hörmüz boğazı vasitəsi ilə çatdırılmasına imkan verməyəcəyik”, - Kövsəri deyib.
O xatırladıb ki, hazırda dünyanın “qara qızılı”nın 20%-i qeyd edilən ərazidən nəql olunur.
