İranlı general: "Gizli silahımız var"

"İran süni intellekt texnologiyasından istifadə edən qabaqcıl və gizli yerli istehsal silahlarına malikdir".

Oxu.Az "Azad İran" "Telegram" kanalına istinadla xəbər verir ki, bunu İran ordusunun Quru Qoşunlarının komandanı, briqada generalı Kəyumərs Heydəri deyib.

General İran Silahlı Qüvvələrin arsenalında yerli istehsal olan süni intellektə əsaslanan çox məxfi silahlara malik olduğunu vurğulayıb:

"Bizim gizli və hətta çox məxfi olan qabaqcıl nəsil silahlarımız var. Bu silahlar və avadanlıqlar çox mürəkkəbdir və süni intellektdən istifadə edir, ancaq onlar hələ də adi silah sayılırlar. Bu mərhələdə medianın bunu açıqlaması düzgün olmazdı, lakin bu silahlar istehsal edilib və mövcuddur".