İŞİD, "Vilayət Xorasan", "Əl-Qaidə" kimi terror təşkilatlarının tərəfdarları öz təbliğatlarında süni intellekt texnologiyalarından aktiv şəkildə istifadə etməyə başlayıblar.
Oxu.Az-ın məlumatına görə, bu barədə Rusiyanın Krasnoyarsk şəhərində keçirilən "Antiterror" forumunda MDB-yə üzv dövlətlərin Antiterror Mərkəzinin rəhbər müavini Sergey Zubkov məlumat verib.
O qeyd edib ki, internetdə terrorizm ideologiyasının təbliğatının güclənməsi səbəbindən MDB ölkələri üçün terror təhdidləri artıb.
Zubkovun sözlərinə görə, MDB ölkələrində qadağan edilmiş "İslam Dövləti - Vilayət Xorasan" təşkilatı Əfqanıstanda informasiya sahəsində yüksək fəallıq göstərir.
"Bu təşkilat son dörd il ərzində regional terror qrupundan informasiya-telekommunikasiya texnologiyalarından öz maraqları naminə istifadə etmək yanaşması ilə şərtlənən geniş informasiya imkanlarına malik təşkilata çevrilib", - deyə o vurğulayıb.
