Yekaterinburqda saxlanılan “İslam Dövləti” (İŞİD) terror təşkilatının üzvləri Moskvada, Sankt-Peterburqda və Uralda terror aktları hazırlayırdılar.
Oxu.Az xəbər verir ki, bu barədə RİA Novosti FTX-nə istinadən məlumat yayıb.
“Rusiyanın Federal Təhlükəsizlik Xidməti tərəfindən 2016-cı ilin fevraıl aynın 7-də Yekaterinburqda yeddi nəfər banda üzvü saxlanılıb. Onlar Moskva, Sankt-Peterburq və Sverdlovsk vilayəti ərazilərində əldəqayırma partlayıcı qurğular vasitəsilə rezonans terror aktlarının hazırlığını həyata keçirirdilər”, - FTX-də bəyan ediblər.
Daha öncə Yekaterinburqda FTX tərəfindən İŞİD-ə daxil olan yeddi banda üzvünün saxlanıldığı barədə məlumat yayılmışdı.
