İsrail XİN Nəim Qasımın "Hizbullah"ın lideri seçilməsinə münasibət bildirib

"Əgər "Hizbullah"ın yeni baş katibi Nəim Qasım hərəkatın siyasətində dəyişiklik etməsə, vəzifəsində uzun müddət qala bilməyəcək".

Oxu.Az xarici KİV-ə istinadən xəbər verir ki, bu açıqlama ilə İsrail Xarici İşlər Nazirliyi çıxış edib.

"Nəim Qasım bu postda ən az müddət keçirən "Hizbullah" lideri ola bilər. Bu təşkilatı ("Hizbullah"ı nəzərdə tutur - red.) hərbi qüvvə kimi ləğv etməkdən başqa yol yoxdur", - deyə İsrail XİN-in açıqlamasında qeyd olunub.

Qeyd edək ki, Nəim Qasım bu gün "Hizbullah"ın yeni baş katibi seçilib.