Türkiyə polisi Dolmabahçe sarayanın yanındakı atışmadan sonra İstanbulda reyd keçirib, reyd zamanı 40-dan çox adam saxlanılıb.
Oxu.Az Anadolu agentliyinə istinadən xəbər verir ki, polisin yoxlamaları qadağan edilmiş “Devrimci Halk Kurtuluş Partisi-Cephesi” (İnqilabi Milli qurtuluş partiyası – cəbhəsi) (DHKP-C) ekstremist qruplaşmasının üzvlərinə qarşı aparılıb. Polisin fikrincə Dolmabahçedəki hücumun arxasında onlar durur.
Xatırladaq ki, Türkiyənin baş nazirinin rəsmi rezidensiyasının yerləşdiyi Dolmabahçe sarayının yanında atışma dünən baş verib.
Polislər avtomatla silahlanmış iki şübhəli şəxsi AFR konsulluğunun yanında saxlayıblar.
Hadisə nəticəsində ilkin məlumata görə, bir polis xəsarət alıb.
