İstanbulda saxta spirtli içkidən ölənlərin sayı 23-ə çatdı: Təqsirkarlar saxlanıldılar

Türkiyənin İstanbul şəhərində son iki gündə saxta spirtli içkidən zəhərlənərək ölənlərin sayı 23 nəfərə çatıb. Daha 32 xəstə şəhərin tibb müəssisələrində müalicə alır.

Oxu.Az NTV-yə istinadən xəbər verir ki, bu barədə şəhər valisinin mətbuat xidməti məlumat yayıb.

"Son 48 saat ərzində saxta spirtli içkidən zəhərlənmə ilə bağlı 66 fakt qeydə alınıb. Zəhərlənənlərdən 23-ü dünyasını dəyişib, 32 nəfərin müalicəsi davam etdirilir", - məlumatda deyilir.

Bundan əlavə, faktla əlaqədar 6 nəfər saxlanılıb. Onlardan ikisi qəsdən adam öldürməyə cəhd ittihamı ilə həbs ediliblər.