İsveçin Apellyasiya Məhkəməsi İŞİD terror təşkilatına üzv olduqlarına görə məhkum edilmiş dörd nəfərdən üçünə bəraət verib.
Oxu.Az-ın TASS-a istinadən verdiyi məlumata görə, bu barədə məhkəmə instansiyası rəsmi bəyanat yayıb.
İlk olaraq Stokholm vilayətinin Naka bələdiyyəsindəki dairə məhkəməsi həmin şəxsləri 2023-2024-cü illərdə terror aktlarına hazırlıq və odlu silahlarla ağır cinayətlər törətməkdə təqsirli bilmişdi. Araşdırma zamanı məlum olub ki, onlar Somalidə fəaliyyət göstərən İŞİD üzvləri və paytaxt yaxınlığındakı Tyuresyo şəhərində yerləşən islam mədəniyyət mərkəzi ilə əlaqədə olublar.
Məhkum edilənlər arasında 25 yaşlarında iki gənc qardaş, bir 20 yaşlı gənc və onların "mənəvi lider"i hesab edilən 60 yaşlı kişi olub. Onlar İŞİD-ə sadiqlik andı içdiklərinə görə 3 ildən 6.5 ilədək azadlıqdan məhrum edilmişdilər.
Lakin apellyasiya instansiyası həmin şəxslərin İŞİD adından hərəkət etdiklərinin sübuta yetirilmədiyini əsas gətirərək ittihamları ləğv edib. Təşkilata sadiqlik andı içdiyi və birbaşa iştirak etdiyi sübuta yetirilən dördüncü şəxs isə cəzasını çəkməyə davam edəcək.
