İsveçrənin qərbindəki Kerzers şəhərində avtobusda baş verən yanğın nəticəsində ən azı altı nəfər ölüb, çox sayda yaralı var.
Oxu.Az xəbər verir ki, bu barədə AP portalı yerli polisə istinadən məlumat yayıb. Qeyd olunub ki, ağır xəsarət alan üç nəfər xəstəxanaya aparılıb, daha iki nəfərə isə hadisə yerində tibbi yardım göstərilib.
Polis nümayəndəsi Frederik Paponun sözlərinə görə hadisənin qəsdən törədilməsi ehtimalı nəzərdən keçirilir, lakin son nəticələr araşdırma başa çatdıqdan sonra veriləcək.
Prokurorluq faciənin səbəblərini müəyyən etmək üçün cinayət işi açıb.
Bildirilib ki, yanan avtobus İsveçrə milli poçt xidmətinin nəzdindəki "PostBus" şirkətinə məxsus olub. Ölkə mediası nəqliyyat vasitəsinin tamamilə alov içində olduğunu göstərən görüntülər yayımlayıb.
