İtaliyanın cənubunda iki qatarın toqquşması nəticəsində ölənlərin sayı 23-ə çatıb.
Oxu.Az RaiNews-a istinadən xəbər verir ki, xəsarət alanların da sayı artıb. Hazırda həkimlərə 50 nəfərdən çox insan müraciət edib.
Hadisə yerində bir neçə təcili tibbi yardım briqadası və yanğınsöndürənlər çalışır.
16:51
İtaliyanın cənubunda iki qatarın toqquşması nəticəsində 20 nəfər həyatını itirib.
Bu barədə Oxu.Az Reuters-a istinadən xəbər verir.
15:47
İtaliyanın cənubunda Bari əyalətində Andriya və Korato yaşayış məntəqələri arasında iki regional qatar toqquşub, 12 nəfər ölüb, onlarla insan yaralanıb.
Bu barədə Oxu.Az “Associated Press”ə istinadən xəbər verir.
Nəşrin məlumatına görə, hadisə yerinə təcili yardım və yanğınsöndürən maşınları cəlb edilib. Regional dəmir yol xəttində hərəkət dayandırılıb.
Toqquşma zamanı qatarlarda çoxlu sayda sərnişin olub.
