İtaliyanın Novara şəhərində "Versace" anbarından beş il ərzində geyim oğurlayıb, onlayn platformalarda satmaqla məşğul olan cinayətkar dəstə ifşa edilib.
Oxu.Az xəbər verir ki, bu barədə "La Stampa" qəzeti prokurorluğa istinadla yazıb.
"Turin və Novara şəhərlərindən, habelə Kosovodan olan ən azı səkkiz nəfərdən ibarət cinayətkar dəstə 2021-2025-ci illər arasında "Versace" anbarından oğurluqla məşğul olub", - deyə məqalədə bildirilir.
Prokurorluq bu məsələ ilə "nümunə" etiketi olan oğurluq əşyaların elanlarının "Vinted" internet platformasında aşkar edildikdən sonra maraqlanmağa başlayıb. Üstəlik, moda evinin əməkdaşı 2023-cü ilin avqust ayında eyni platformada anbardan yoxa çıxmış unikal gödəkçəni görüb. Səhifədəki bütün mallar yeni olub, qiymətləri isə mağaza qiymətləri ilə müqayisədə 50% ucuz olub.
Anbarı idarə edən logistika şirkətinin üç əməkdaşı da cinayətkarlar arasında olub. Dəstənin başçısının nənəsinin qarajında üç ədəd "Rolex" saatı və nağd pulla dolu zərflər tapılıb.
Faktla bağlı dəstə üzvlərinə qarşı cinayət işləri açılıb.
