Kamçatka (Rusiya) sahillərində 5.8 və 6 maqnitudalı iki yeraltı təkan qeydə alınıb.
Oxu.Az-ın məlumatına görə, bu barədə Rusiya Elmlər Akademiyasının Vahid Geofiziki Xidmətinin Kamçatka filialı məlumat yayıb.
Bildirilir ki, 5.8 maqnitudalı zəlzələ Petropavlovsk-Kamçatsk şəhərindən 204 km məsafədə baş verib, ocağı 10 km dərinlikdə yerləşib. Maqnitudası 6 olan digər yeraltı təkan isə vilayət mərkəzindən 210 km məsafədə, 16.6 km dərinlikdə baş verib.
Xəsarət alanlar və dağıntılar barədə məlumat yoxdur.
