"Avropa İttifaqı Ukraynaya sursat tədarükü ilə bağlı vədini hələ də yerinə yetirməyib".
Oxu.Az TASS-a istinadən xəbər verir ki, bunu Aİ-nin baş diplomatı Kaya Kallas etiraf edib.
"Təəssüf ki, sursat təşəbbüsü çərçivəsindəki öhdəliklərimizi hələ də yerinə yetirməmişik. Səylərini artırmaq niyyətində olan ölkələrlə məsləhətləşmələr aparmışam", - deyə o, Aİ müdafiə nazirlərinin görüşündən sonra keçirilən mətbuat konfransında bildirib.
Kallasın sözlərinə görə, Aİ indiyədək Ukraynaya 187 milyard avroluq dəstək ayırıb və bu, digər ölkələrdən daha çoxdur.
Avropa Komissiyasının sözçüsü Tomas Rayner isə qeyd edib ki, Avropa İttifaqının 15 ölkəsi SAFE militarizasiya proqramı çərçivəsində Ukraynaya milyardlarla avro dəyərində silah göndərəcək.
