Şimali Atlantika Alyansı (NATO) ölkələri iyulun 7-8-də Ankarada keçiriləcək sammitdə ABŞ Prezidenti Donald Trampa alyansda iştirakın ABŞ-nin maraqlarına uyğun olduğunu sübut etməyə çalışacaqlar.
Oxu.Az xəbər verir ki, bu barədə "Bloomberg" agentliyi məlumat yayıb.
Məlumata görə, hazırda alyansın başlıca məqsədi Trampı məmnun etməkdir. ABŞ lideri Avropa tərəfdaşlarının İsrail və Birləşmiş Ştatların İrana qarşı həyata keçirdiyi əməliyyatlarda hava məkanlarını və hərbi bazalarını verməkdən boyun qaçırmasından hələ də narazıdır. "Alyans ABŞ-nin dəstəyi olmadan fəaliyyət göstərə biləcək səviyyəyə çatana qədər, təşkilat ən böyük maliyyəçisinin bütün tələb və düşüncələrini nəzərə almağa məcburdur", - deyə məlumatda vurğulanır.
Qeyd edək ki, agentlik bundan öncə Trampın gözlənilən NATO sammiti çərçivəsində müttəfiq ölkələrə müdafiə büdcələrini çoxaltmağın vacibliyini yenidən xatırladacağını açıqlamışdı.
