Rusiyanın Kiyevdəki səfirliyi martın 6-na keçən gecə naməlum şəxslər tərəfindən hücuma məruz qalıb.
Oxu.Az Ukrayna KİV-ə istinadən xəbər verir ki, hüquq-mühafizə orqanlarında məlumatı təsdiqləyiblər.
Məlumatda bildirilir ki, 10 nəfərdən ibarət qrup əllərində yanan məşəl tutublarmış. Mənbə bildirir ki, xuliqanlıq hərəkətlərinin nəticəsində 3 avtomobil xəsarət alıb. Ukrayna polisi hadisə ilə əlaqədar cinayət işi açıb. Hücum edənləri 4 ilə qədər həbs cəzası gözləyir.
Rəsmi Moskva baş verənlərlə əlaqədar rəsmi Kiyevə etiraz notası verib.
