İyunun 15-də İstanbuldakı evində həyatını itirən məşhur türkiyəli aktısa, "Kızılcık şerbeti" serialında "İşıl" obrazını canlandıran Ece İrtemin ölümündən bir həftə əvvəl Tailanda getdiyi və orada onu meymunun dişlədiyi məlum olub. Mütəxəssislərin meymun dişləmələrinin sepsisə (qan zəhərlənməsi) səbəb ola biləcəyini bildirməsindən sonra aktrisanın vəkili Uğur Gökkoy prokurorluğa ərizə təqdim edərək, ölüm səbəbi ilə bağlı meymun dişləməsi ehtimalının da araşdırılmasını istəyib.
Bu barədə Oxu.Az "Haber Global"a istinadən xəbər verir.
İlkin məlumatlara əsasən, 35 yaşlı Ece İrtemin infarkt keçirdiyi irəli sürülsə də, vəkili Uğur Gökkoyun tərəfindən İstanbul Prokurorluğuna diqqətçəkən ərizə təqdim edilib. Bildirilib ki, aktrisanın ölümündən bir həftə əvvəl həyata keçirdiyi Tailanda səfəri araşdırılır, səfər zamanı baş verdiyi qeyd edilən bir hadisə isə yeni şübhələr yaradıb.
"15 iyun 2026-cı ildə evində vəfat edən müvəkkilim Ece İrtemin sol qolunda 3 çapıq aşkar edilib və bundan sonra ailə üzvləri ilə söhbət əsnasında onun Tailanda səfəri zamanı meymun tərəfindən dişləndiyi müəyyən edilib. Bu məsələ ilə bağlı mütəxəssislərlə aparılan məsləhətləşmələrdə meymun dişləmələrinin sepsis (qan zəhərlənməsi) də daxil olmaqla, ölümcül nəticələrə səbəb ola biləcəyi məlum olub", - deyə vəkil qeyd edib.
Xatırladaq ki, Ece İrtemin iyunun 15-də öz evində vəziyyəti pisləşib və bütün müdaxilələrə baxmayaraq, aktrisanın həyatını xilas etmək mümkün olmayıb.
