Kolumbiya prezidentini öldürmək istəyən narkokartel başçısı məhv edildi

Kolumbiya Silahlı Qüvvələri polislə birgə ölkə Prezidenti Qustavo Petroya sui-qəsd hazırlayan "Körfəz klanı" narkokartelinin başçılarından birini məhv edib.

Oxu.Az xəbər verir ki, bu barədə Kolumbiyanın Müdafiə Nazirliyi "X" sosial şəbəkə səhifəsində məlumat yayıb.

"Söhbət "Körfəz klanı"nın bölmələrindən birinin ləqəbi Omar və ya Nino olan, 25 illik cinayətkar təcrübəyə malik başçısından gedir", - deyə məlumatda bildirilir.

Məlumata əsasən, 2024-cü ildə Petronun Çoko departamentinə səfəri zamanı ona sui-qəsd təşkil etmək planlaşdırılıb.