Kot-d'İvuarın hazırkı lideri Alassan Uattara prezident seçkisində qalib gəlib.
Oxu.Az bildirir ki, bu barədə "Reuters" agentliyi ölkənin seçki komissiyasına istinadən xəbər verir.
Seçki komissiyasının məlumatına görə, Uattara səslərin 89,77%-ni toplayıb. Beləliklə, siyasətçi dördüncü müddətə yenidən seçilib. Hazırkı prezidentdən başqa, seçkilərdə daha dörd namizəd iştirak edib.
Bu, ilkin nəticələrdir. Səsvermənin nəticələrini Konstitusiya Şurası təsdiqləməlidir.
Qeyd edək ki, Uattara 83 yaşındadır. O, 14 ildən çoxdur Kot-d'İvuarın prezidenti vəzifəsini tutur.
