Rusiya Prezidenti Vladimir Putin Ermənistanın baş naziri Nikol Paşinyanla İrəvanın KTMT-yə üzvlüyünün dayandırılması ilə bağlı bəyanatlarını hələlik müzakirə etməyib.
Bu barədə Rusiya liderinin mətbuat katibi Dmitri Peskov bəyan edib.
O, hələlik belə təmaslar üçün heç bir plan olmadığını vurğulayıb:
“Xeyr. Hazırda heç bir əlaqə yoxdur və olmayıb”.
Bununla belə o, işgüzar əlaqələr çərçivəsində İrəvan tərəfindən nəyin nəzərdə tutulduğunu və işlərin necə olduğunu öyrənmək istədiklərini vurğulayıb.
O, İrəvan tərəfindən bununla bağlı izah gözlədiklərini deyib.
Mənbə: TASS
11:16
“Kollektiv Təhlükəsizlik Müqaviləsi Təşkilatı (KTMT) Katibliyi İrəvandan üzvlüyün dayandırılması ilə bağlı heç bir açıqlama almayıb”.
Bu barədə təşkilatın katibliyindən məlumat verilib.
Qeyd olunur ki, Ermənistanın baş naziri Nikol Paşinyanın İrəvanın KTMT-də iştirakının “dondurulması” ilə bağlı dediklərində, görünür, söhbət qurumun keçirdiyi tədbirlərdə iştirak etməməkdən gedir.
Xatırladaq ki, erməni baş nazir “France 24”ə müsahibəsində Ermənistanın KTMT-də iştirakının “dondurulduğunu” deyib.
Mənbə: RİA Novosti
Rəylər