Kollektiv Təhlükəsizlik Müqaviləsi Təşkilatının (KTMT) baş katibi Yuri Xaçaturov Yerevandan Moskvaya gəlib.
Oxu.Az-ın xəbərinə görə, daha öncə Xaçaturovun vəkili Miqran Petrosyan bəyan etmişdi ki, baş katib avqustun 6-dan vəzifəsinin icrasına başlaya bilər.
Ermənistanın Xüsusi İstintaq Xidməti Yuri Xaçaturova qarşı 1 mart 2008-ci il tarixdə nümayişin dağıdılması ilə bağlı ittiham irəli sürüb. Həmin dövrdə Xaçaturov Ermənistan silahlı qüvvələrinin Yerevan qarnizonuna rəhbərlik edib.
Xaçaturov saxlanılsa da, daha sonra azad edilib.
Yuri Xaçaturov 2017-ci ildə KTMT-nin baş katibi təyin olunub. Onun səlahiyyət müddəti 2020-ci ildə sona çatır.
