Milli Basketbol Assosiasiyasının (NBA) dördqat çempionu və "Los-Anceles Leykers"in forvardı Lebron Ceyms noyabrın 19-da liqada mövsümlərin sayına görə rekord müəyyənləşdirib.
Oxu.Az-ın məlumatına görə, basketbolçu "Yuta"ya qarşı ev oyununda çempionatdakı ilk matçına çıxıb. 2025/26 mövsümü onun karyerasında 23-cü olub, Ceyms 2020-ci ildə karyerasını başa vuran Vins Karterin rekordunu qırıb.
"Sport-Ekspress"in yazdığına görə, Ceyms zədə səbəbindən müntəzəm çempionatın başlanğıcını buraxıb, onsuz komandası 14 oyundan 10-da qələbə qazanıb.
