Lukaşenko “Vaqner”çilərin sonrakı taleyinə aydınlıq gətirdi

“Yevgeni Priqojinin ölümünə baxmayaraq, “Vaqner” özəl hərbi şirkəti Belarusda qalacaq”.

Bunu Belarus Prezidenti Aleksandr Lukaşenko Minskdə jurnalistlərə açıqlamasında bildirib.

“Vaqner” yaşayıb, “Vaqner” yaşayır və “Vaqner” Belarusda yaşayacaq, kimlərsə bunu istəməsələr də”, - deyə o qeyd edib.

Dövlət başçısı Priqojinlə “Vaqner”in necə yerləşdiriləcəyi ilə bağlı sistem qurduqlarını əlavə edib.

“Bir neçə gün ərzində hamı, 10 minə qədər adam burada olacaq”, - deyən prezident “Vaqner”çilərin Belarusda nə qədər lazımdır, o qədər də qalacaqlarını və işləyəcəklərini vurğulayıb.

Mənbə: İnterfaks