Macarıstan parlamenti İsveçin NATO-ya daxil olması haqqında ərizəsini ratifikasiya edib.
Bu barədə ölkənin ali qanunverici orqanının saytında yayımlanan iclasın moderatoru məlumat verib.
Deputatların böyük əksəriyyətinin İsveçin alyansa qoşulmasını dəstəkləməsindən sonra o, “Qərar verildi” - deyə bildirib.
Səsvermənin nəticələri tabloda göstərilib: 188 lehinə, 6 əleyhinə.
Qeyd edək ki, Macarıstan parlamentində 199 deputat var. Bununla da, Macarıstan İsveçin müraciətini təsdiqləyən sonuncu NATO ölkəsi olub.
Həmçinin, Macarıstan parlamenti ölkə prezidenti Katalin Novakın fevralın 10-da təqdim etdiyi istefa ərizəsini təsdiq edib.
Mənbə: TASS
Rəylər