Venesuela prezidenti Nikolas Maduro amerikalı həmkarı Donald Trampa açıq dialoqa başlamağı təklif edib.
Oxu.Az xəbər verir ki, Maduro bunun üçün ABŞ prezidentinin Venesuela ilə bağlı siyasətini dəyişmək niyyətini nümayiş etdirməli olduğunu bildirib.
O həmçinin qeyd edib ki, Trampla bütün vacib məsələlər üzrə dialoqa başlamağa hazırdır.
Xatırladaq ki, bir müddət öncə Maduro ABŞ prezidentinin milli təhlükəsizlik məsələləri üzrə müşaviri Con Boltonu Venesuelada çevriliş hazırlamaqda ittiham edib.
