Makqreqor Nurmaqomedovun atasını təhqir etdi

Qarışıq döyüş növləri üzrə irlandiyalı döyüşçü Konor Makqreqor rusiyalı idmançı Həbib Nurmaqomedovun atası Abdulmanapı təhqir edib. 

Oxu.Az xəbər verir ki, o, bu fikirlərini “Instagram” hesabında yazıb. 

“Abdulmanap Nurmaqomedov, mən səni görürəm. Yalançı hörmət arxasında gizlənirsən. Ortancıl oğlun kimisən. Titrəyən qorxaq”, - Makqreqor bildirib. 

30 yaşlı irlandiyalı Nurmaqomedovla yüngül çəki üzrə UFC titulu uğrunda döyüşə çıxacaq. Döyüş oktyabrın 6-da Las Veqasda keçiriləcək. 

Rusiyalı döyüşçü Həbib Nurmaqomedov da Makqreqora “Instagram” hesabında cavab verib.

“Səhər durdum və başa düşdüm: Kim bizimlə deyilsə, demək bizimlə deyil, Vaynaxi həmişə bizimlədir. Boş danışmaqdansa, döyüşü gözləyirik”, - o deyib.

www.oxu.az