Ən son xəbərləri bizim "Instagram" səhifəmizdə izləyin

Makron: "ABŞ-nin İrana zərbələri əsassızdır"
Fransa Prezidenti Emmanuel Makron ABŞ-nin İranın nüvə obyektlərinə zərbələrini qanunsuz adlandırıb.
Oxu.Az "Deutsche Welle"yə istinadən xəbər verir ki, bu barədə o, Norveçin Baş naziri Yonas Qar Störe ilə birgə brifinq zamanı deyib.
"Bu zərbələrin heç bir hüquqi əsası yoxdur", - Fransa prezidenti bildirib.
Onun sözlərinə görə, İranda nüvə strukturlarının zərərsizləşdirilməsi qanuni məqsəd sayıla bilər, lakin buna ancaq diplomatik və texniki vasitələrlə nail olmaq olar.
"Beynəlxalq hüquqda gücdən istifadənin aydın prinsipləri var. Buna BMT Təhlükəsizlik Şurası tərəfindən icazə verilə bilər və ya özünümüdafiə üçün istifadə oluna bilər", - Fransa prezidenti qeyd edib.
Makron həmçinin İrandakı rejimin hərbi yolla dəyişdirilməsi niyyətinə qarşı çıxıb. "Hər dəfə belə bir seçim etdikdə, səhv etmişik", - o xatırladıb.
"Emmanuel Makron" teqi üzrə xəbərlər
- Tramp Avropanı təhdid edir: Ən çox hansı ölkələr zərər görəcək? - "Kaspi"nin TƏHLİLİ
- Paris ABŞ-dən Ukrayna üçün silah almaqdan imtina etdi
- Parisdəki bayram paradında at Makronun olduğu tribunanın önündə yıxılıb
- Bricit Makronla onun transgender olduğunu iddia edənlər arasında qalmaqal bitmir
- Nikol Paşinyan son üç ildə altıncı dəfə Emmanuel Makronu Ermənistana dəvət edib