Malayziya kralından gözlənilməz addım

Malayziya kralı V Məhəmməd taxt-tacdan imtina edib.

Oxu.Az xəbər verir ki, kralın bu addımının səbəbləri açıqlanmır.

Kral sarayının yaydığı məlumatda bildirilir ki, V Məhəmməd taxt-tacdan imtina etməsi barədə rəsmi məktubunda onu kral seçmiş hökmdarlar şurasına minnətdarlığını ifadə edib.

V Məhəmməd 2016-cı ilin aprelində hökmdarlar şurasının 9 üzvünün gizli səsverməsi ilə 5 il müddətinə kral seçilib.

Qeyd edək ki, 49 yaşlı V Məhəmməd ötən il Rusiyada “Miss Moskva-2015“ müsabiqəsinin qalibi Oksana Voyevodina ilə evlənib.