Dünyanın ən zəngin insanı, amerikalı sahibkar İlon Mask Avropa İttifaqının (Aİ) ləğvinə və suverenliyin ayrı-ayrı üzv dövlətlərə ötürülməsinə çağırıb.
Oxu.Az xəbər verir ki, Avropa Komissiyası Maska məxsus "X" sosial şəbəkəsini 120 milyon avro cərimələyib.
Buna cavab olaraq, iş adamı Aİ-ni tənqid atəşinə tutub.
Onun fikrincə, əgər Aİ buraxılsa, milli hökumətlər öz xalqlarını daha yaxşı təmsil edə bilərlər.
ABŞ-li sahibkar İlon Mask Avropa hökumətinin onun "X" platformasını cərimələməsini kəskin tənqid edib.
Oxu.Az xəbər verir ki, İ.Mask öz sosial şəbəkə hesabında bu barədə yazıb.
O, Avropa İttifaqının sözügedən addımını ADR-in (Almaniya Demokratik Respublikası) dövlət təhlükəsizliyi xidməti - "Ştazi"nin metodları ilə müqayisə edib.
"Avropa İttifaqının "Ştazi"dən olan beynəlxalq komissarları tezliklə Streyzand effektinin nə demək olduğunu anlayacaqlar", - Mask yazıb.
Başqa sözlə, sahibkar ona işarə edib ki, informasiyanı görməzlikdən gəlmək və ya gizləmək onun daha geniş yayılmasına gətirib çıxarır.
