"Tesla"nın səhmləri şirkətin baş direktoru İlon Mask və ABŞ Prezidenti Donald Tramp arasında ictimai mübahisənin kəskinləşməsi fonunda 8,99% ucuzlaşıb.
Oxu.Az xəbər verir ki, bunu birja məlumatları sübut edir.
"Wall Street"də ticarətin açılışında "Tesla"nın səhmləri 323,87 dollar olub. Son məlumatlara görə isə səhmlərin dəyəri artıq təxminən 302 dollara düşüb.
Qeyd edək ki, əvvəlcə Tramp Maskdan məyus olduğunu bildirib. İş adamı cavabında Trampın siyasi uğurunda öz töhfəsini əsas hesab etdiyini vurğulayaraq, prezidentin mövqeyindən narazılığını ifadə edib. Milyarder həmçinin qeyd edib ki, biznes ictimaiyyətinin dəstəyi, o cümlədən özü də seçkinin nəticəsində həlledici rol oynayıb.
