Maskdan Marsa planlaşdırılan səfərlə bağlı maraqlı açıqlama

Amerikalı sahibkar və "Space X" şirkətinin təsisçisi İlon Mask Mars planeti ilə bağlı planlarının təfərrüatını açıqlayıb.

Oxu.Az-ın verdiyi məlumata görə, bu barədə o, özünün "X" sosial şəbəkəsindəki səhifəsində paylaşım edib.

Milyarderin sözlərinə görə, 2026-cı ilin sonunda "qırmızı planet"ə göndərilməsi planlaşdırılan kosmik gəmidə "Tesla" mühəndisləri tərəfindən hazırlanan "Optimus" robotu da olacaq.

"Əgər bu enmələr uğurlu olarsa, insanların səfəri artıq 2029-cu ildə başlaya bilər, baxmayaraq ki, 2031-ci il daha ağlabatan tarixdir", - deyə Mask öz postunda yazıb.

Qeyd edək ki, biznesmen bir müddət əvvəl Marsa süni intellektli robotlar göndərməyi planlaşdırdığını elan etmişdi. O, bunun 2026-cı ilin noyabrı üçün düşünüldüyünü vurğulamış və səfərin tarixini Yerlə Mars arasında səyahətin hər 26 aydan bir mümkün olması ilə izah etmişdi.

Starship departs for Mars at the end of next year, carrying Optimus.

If those landings go well, then human landings may start as soon as 2029, although 2031 is more likely. https://t.co/JRBB95sgNN

— Elon Musk (@elonmusk) March 15, 2025