Amerikalı milyarder İlon Maskın və onun qardaşı Kimbalın adları azyaşlıların cinsi istismarında ittiham olunan maliyyəçi Cefri Epşteynlə bağlı sənədlərdə hallanır.
Oxu.Az-ın xəbərinə görə, bu barədə "Daily Mail" qəzeti Epşteynin şəriki Qisleyn Maksvellin dindirilməsinin gedişatı ilə tanış olan mənbəyə istinadən məlumat yayıb.
Mənbənin məlumatına görə, hər şey Maskın ABŞ Prezidenti Donald Trampla mübahisəsindən və "X" sosial şəbəkəsində Ağ Ev rəhbərinin Epşteyn işi ilə bağlı bütün sənədlərin dərcinə mane olması barədə yazı dərc etdikdən sonra başlayıb.
"Yaxşı, İlon da, qardaşı kimi, oradadır, yəni adları hallanır", - deyə mənbə bildirib.
O əlavə edib ki, ümumilikdə maliyyəçinin işi ilə bağlı ən azı beş milyon sənəd var.
