Türkiyənin Balıkesir şəhərinin Gömeç rayonunda mərhum türkiyəli sənətçi, musiqiçi, bəstəkar və müğənni Kayahan Açara məxsus olan, dəniz mənzərəli "Gönül Köşkü" satışa çıxarılıb.
Bu barədə Oxu.Az "Haber Global"a istinadən xəbər verir.
2015-ci il aprelin 3-də vəfat edən Kayahan əsərlərinin çoxunu "Gönül Köşkü" adlandırdığı bu evdə bəstələyib.
Köşk 1 609 kvadratmetrlik torpaq sahəsində yerləşir və 5 bitişik evdən ibarətdir.
Hər evində 5 otağı və bir qonaq otağı olan köşk hovuzu, dəniz mənzərəsi və peyzajı ilə diqqət çəkir.
Köşkün satış qiymətinin 130 milyon Türkiyə lirəsi (5 milyon manatdan çox) olduğu bildirilir.
