ABŞ-ın Portland şəhərində məktəblərin birində futbol və yüngül atletika üzrə məşqçi olan Kianon Lou təhsil mərkəzinə silahla gələn məktəblini qeyri-adi yolla tərksilah edib.
“ABC News” müşahidə kameralarının çəkdiyi videonu paylaşıb.
Bildirilir ki, hadisə 2019-cu ilin mayında baş verib.
Videodan görünür ki, məktəbli əlində silahla auditoriyalardan birinə girməyə çalışır, məşqçi isə silahı onun əlindən alır və onu bərk-bərk qucaqlayır.
Lou bu yolla faciənin qarşısını ala bilir.
Qeyd edilir ki, hadisədən sonra polis məktəblini saxlayır. Məlumata əsasən, ona üç il şərti cəza verilib.
