Moldovalı kəşfiyyatçı Rusiyadan çıxarılıb

Rusiyaya kəşfiyyat məlumatları toplamaq üçün gələn keçmiş Moldova kəşfiyyatçısı ölkədən çıxarılıb.

Oxu.Az-ın TASS-a istinadən xəbərinə görə, bu barədə Rusiya Federal Təhlükəsizlik Xidmətinin (FTX) İctimaiyyətlə Əlaqələr Mərkəzindən məlumat verilib.

Rusiya FSB Moldova kəşfiyyatçısının Rusiya Federasiyasından qovulması barədə məlumat yayıb.

"Moldova Respublikasının İnformasiya və Təhlükəsizlik Xidmətinin keçmiş əməkdaşı, Moldova Respublikasının vətəndaşı Dmitri Rusnakın fəaliyyəti dayandırılıb", - deyə məlumatda bildirilib.

"Müəyyən edilib ki, Rusnak Rusiya rəhbərliyinin Moldova ilə, Moldova üzrə xarici siyasət fəaliyyətində iştirak edən Rusiyanın təhlükəsizlik qüvvələri və digər dövlət strukturlarının əməkdaşları ilə bağlı planları barədə məxfi məlumatlar toplamaq üçün 2024-cü ildə Rusiyaya gəlib", - deyə FTX qeyd edib.

"Əcnəbi tərəfindən Rusiya Federasiyasının təhlükəsizliyinə real ziyan vurulmadığını nəzərə alaraq, 2025-ci ilin fevralında o, ölkəmizin ərazisindən çıxarılıb və onun Rusiyaya girişi 60 il müddətinə qadağan edilib", - deyə əlavə edilib.

FTX-nin verdiyi məlumata görə, Moldova kəşfiyyatının maraqlarından çıxış edərək, əcnəbi özünü Rusiyada leqallaşdırmağa cəhd edib. Təhlükəsizlik orqanlarının diqqət mərkəzinə düşəcəyi təqdirdə o, guya ölkənin rifahı naminə loyallığını (sadiqliyini) və əməkdaşlığa hazır olduğunu nümayiş etdirməli idi. Lakin Rusnak barəsində poliqrafdan istifadə etməklə aparılan sorğu nəticəsində onun Rusiyaya kəşfiyyat və təxribat məqsədilə gəldiyi faktı təsdiqlənib.