Rusiyanın paytaxtı Moskvada qadınlar məktəbliyə qarşı 16 milyon rublluq (təxminən 373 min manat) dələduzluq ediblər.
Oxu.Az xəbər verir ki, bu barədə Rusiya Daxili İşlər Nazirliyinin Moskva şəhəri üzrə baş idarəsinin mətbuat xidməti məlumat yayıb.
Bildirilib ki, özlərini "domofon xidməti"nin işçiləri kimi qələmə verən qadınlar 17 yaşlı gənci telefona SMS-lə gələn kodu deməyə vadar ediblər. Onlar məktəblini "dövlət xidmətləri" hesabının sındırıldığına və qadağan olunan fəaliyyətin maliyyələşdirilməsində iştirak etdiyinə inandıra biliblər. Ailə mülkiyyətini bəyan etmək bəhanəsi ilə ondan nağd vəsaitlər, zinət əşyaları və atasının dəyəri altı milyon rublu aşan saatını ələ keçiriblər. Aparılan araşdırmalar nəticəsində hüquq-mühafizə orqanlarının əməkdaşları həmin şəxsdən qızıl-zinət və digər qiymətli əşyaları alan 29 və 21 yaşlı iki qadını müəyyən ediblər. 21 yaşlı qız əldə edilən qəniməti lombarda təhvil verib, vəsaiti kriptovalyutaya dəyişərək cinayətin təşkilatçılarına göndərib.
Faktla bağlı cinayət işi açılıb.
:640.jpg)
