Moskvada koronavirusun yaratdığı yeni xəstəlikdən ilk uşaq ölümü qeydə alındı

Rusiyanın paytaxtı Moskva şəhərində COVID-19-un səbəb olduğu yeni xəstəlik - Kavasaki sindromu səbəbindən ilk uşaq ölümü baş verib.

“RİA Novosti” xəbər verir ki, Morozovski xəstəxanasında iki yaşlı Mariya Parşikova həyatını itirib.

Həkimlər bir həftə uşağı xilas etmək üçün əllərindən gələni etsələr də, bu, mümkün olmayıb. Uşaqda əvvəlcə Kavasaki sindromunun olduğu təxmin edilib. Ekspertizadan sonra bu sindroma koronavirusun səbəb olması müəyyənləşdirilib. Xəstəlik azyaşlının daxili orqanlarını zədələyib.

Xəstəliyin əlamətlərinin qızdırma, selikli qişalarda dəyişiklik, əl və ayaqlarda şişkinlik, konyunktivit, limfa düyünlərində böyümə və səpki olduğu qeyd edilir.