NATO Estoniyanın Pyarnu şəhərində Almaniya-Niderland korpusunun yerləşdirilməsi imkanını nəzərdən keçirir.
Oxu.Az-ın ERR telekanalına istinadən verdiyi xəbərə görə, bu barədə Estoniya Müdafiə Nazirliyinin bəyanatında deyilir.
Bildirilir ki, yekun qərar bu il veriləcək. Korpusun yerləşdirilməsi 100-200 nəfərlik infrastrukturun yaradılmasını nəzərdə tutur.
Qeyd edilir ki, Pyarnu şəhəri liman, aerodrom, dəmir yolu və avtomobil yolunun yaxınlığına görə qüvvələr yerləşdirmək üçün əlverişlidir. Estoniya Müdafiə Nazirliyi infrastrukturun tikintisinə 17 milyon avro ayırıb.
Son illərdə NATO qüvvələri Bolqarıstan, Macarıstan, Latviya, Litva, Polşa, Rumıniya, Slovakiya və Estoniyada yerləşdirilib.
