"Rusiyanın Ukraynaya qarşı müharibəsinin hələ bitməməsinin əsas səbəbi Putindir".
Oxu.Az xəbər verir ki, bu barədə NATO-nun baş katibi Mark Rutte "Bild"ə verdiyi müsahibədə bildirib.
Onun sözlərinə görə, Rusiya prezidenti döyüş meydanında heç bir real uğur qazana bilmir və milyonlarla öz vətəndaşını qurban verməyə davam etməyə hazırdır. NATO-nun baş katibi hesab edir ki, Kreml lideri müharibəyə aludə olub və məhz buna görə də onu dayandırmağa məcbur etmək çətin bir işdir.
"Biz iki iş görməliyik. Birincisi, müdafiə xərclərini və istehsalı artırmalıyıq. İkincisi, Ukraynanın mübarizədə mümkün qədər güclü qalmasını təmin etməliyik. Çünki Rusiya bütün Ukraynaya nəzarəti ələ keçirərsə, bunun NATO üçün böyük nəticələri olacaq və biz Haaqada razılaşdığımızdan daha çox xərcləməli olacağıq. Bu öhdəliklərə əməl etsək, Rusiyanı üstələyəcək və güclü qalacağıq", - Mark Rutte bildirib.
