Hazırda Vaşinqtonda olan Ermənistanın baş naziri Nikol Paşinyan özünün "Facebook" səhifəsində diqqətçəkən paylaşım edib.
Oxu.Az xəbər verir ki, N.Paşinyan İncil kitabının (Əhdi-cədidin) 5-ci fəslinin 9-cu hissəsini paylaşıb.
Paylaşımda yazılıb: "Sülh yaradanlar necə də xoşbəxtdirlər, çünki onlar Allahın övladları adlanacaqlar".
Məlumat üçün əlavə edək ki, bu gün Prezident İlham Əliyev və Ermənistanın baş naziri Nikol Paşinyan arasında Vaşinqton görüşünün nəticəsi olaraq Birgə Bəyannamə imzalanacağı gözlənilir.
