Nyu-Yorkda helikopterin çaya düşməsi nəticəsində Almaniyanın "Siemens" konserninin İspaniya üzrə filialının rəhbəri Aqustin Eskobar, onun həyat yoldaşı və üç övladı həlak olub.
Oxu.Az xəbər verir ki, bu barədə "New York Post" hüquq-mühafizə orqanlarındakı mənbəyə istinadən məlumat yayıb.
Mənbə A.Eskobar və onun ailəsinin helikopterin göyərtəsindən çəkilmiş son fotolarını da dərc edib.
Helikopterin pilotunun kimliyi hələ müəyyən edilməyib.
Nyu-York şəhəri yaxınlığında göyərtəsində sərnişinlərin olduğu helikopter qəzaya uğrayıb.
Oxu.Az xəbər verir ki, bu barədə Nyu-York polisi "X" sosial şəbəkə hesabında məlumat yayıb.
Helikopter Hudzon çayına düşüb. İnsident nəticəsində azı altı nəfər həlak olub.
Sərnişinlərin İspaniya vətəndaşları olduqları bildirilir.
