Özbəkistanın Buxara vilayətində magistral qaz kəmərinin bir hissəsində qaz sızması baş verib və bu da yanğınla nəticələnib.
Oxu.Az-ın xəbərinə görə, bu barədə Özbəkistanın Energetika Nazirliyi öz "Telegram" kanalında məlumat verib.
"Bu gün, fevralın 10-da Buxara vilayəti ərazisindən keçən 1020 mm diametrli magistral kəmərdə qaz sızması və yanğın baş verib", - deyə məlumatda bildirilib.
Hazırda fəsadların aradan qaldırılması üçün lazımi tədbirlər görülür. Heç kəsin xəsarət almadığı qeyd edilib.
Özbəkistanda magistral qaz kəmərində yanğın baş verib
