Pakistanın şimal-qərbində yerləşən Bannu şəhərində terrorçular tərəfindən minalanmış avtomobilin partladılması nəticəsində həlak olan polislərin sayı 15 nəfərə çatıb.
Oxu.Az xəbər verir ki, bu barədə hüquq-mühafizə orqanlarına istinadən "Dawn" nəşri məlumat yayıb.
Şiddətli partlayış polis kazarmalarının tamamilə dağılmasına və zirehli maşının məhv olmasına səbəb olub. Ətrafdakı binalara da ciddi ziyan dəyib.
Hücumdan sonra yerli xəstəxanalarda fövqəladə vəziyyət elan edilib. Hüquq-mühafizə orqanları şəhər üzrə təhlükəsizlik tədbirlərini gücləndirib və əlavə nəzarət-buraxılış məntəqələri qurublar.
Pakistanın şimal-qərbindəki Bannu şəhərində minalanmış avtomobilin partladılması 12 polis əməkdaşının ölümü ilə nəticələnib.
Oxu.Az xəbər verir ki, bu barədə məlumatı "Reuters" agentliyi yayıb.
Məlumata görə, nəqliyyat vasitəsi polis idarəsinin binası yaxınlığında partladılıb. Hadisədən dərhal sonra insidentin ehtimal edilən təşkilatçısı ilə atışma baş verib.
Hadisə zamanı daha üç polis əməkdaşının xəsarət aldığı və onların xəstəxanaya yerləşdirildiyi qeyd olunur. İnsidentlə bağlı əlavə təfərrüatlar hələlik açıqlanmayıb.
