Fransa milli futbol komandasının kapitanı Kilian Mbappenin müqəvvası Paraqvayda keçirilən bayram zamanı iştirakçılar tərəfindən yandırılıb.
Oxu.Az-ın xəbərinə görə, bu barədə "Sport24" nəşri məlumat verib.
Məlumata görə, San-Xuanda bayram tədbirində baş verən hadisə zamanı atəşfəşanlıq da olub və iştirakçılar öz alqışları ilə bunu dəstəkləyiblər. Milli ənənə çərçivəsində hər il ən "qıcıqlandırıcı" şəxs seçilir və onun müqəvvası yandırılır. Bu dəfə seçim Mbappenin üzərinə düşüb.
Qeyd edək ki, daha əvvəl Paraqvaydan olan senator Seleste Amarilya Mbappeni "özünü fransız kimi göstərən çirkin kamerunlu" adlandırmışdı. Fransız hücumçu isə cavab olaraq Amarilyanı "iyrənc qadın" adlandırmışdı.
Xatırladaq ki, Fransa milli komandası 2026-cı il Dünya Çempionatının 1/8 final matçında Paraqvayı 1:0 hesabı ilə məğlub edib və oyunda yeganə qolu Mbappe penalti zərbəsindən vurub.
