Ermənistan baş nazirinin vəzifələrini müvəqqəti icra edən Nikol Paşinyan bəyan edib ki, ölkədə növbədənkənar parlament seçkiləri dekabrın 9-da keçiriləcək.
Oxu.Az-ın xəbərinə görə, bu barədə Ermənistan KİV məlumat yayıb.
“Növbədənkənar seçkilərin keçirilmə vaxtı prezidentin sərəncamı ilə açıqlanacaq, ancaq çox güman ki, seçkilər dekabrın 9-da baş tutacaq”, - Paşinyan deyib.
Bununla yanaşı o qeyd edib ki, “Vətəndaş müqaviləsi” partiyasının siyahısına biznesmenlər daxil edilməyəcək.
Qeyd edək ki, Paşinyan ölkədə növbədənkənar prezident seçkilərinin keçirilməsi ilə əlaqədar oktyabrın 16-da istefa verib.
