Macarıstanın xarici işlər naziri Peter Siyarto bəyan edib ki, Avropa Rusiya ilə 2030-cu ildə baş verə biləcək hərbi qarşıdurmaya hazırlaşır.
Oxu.Az xəbər verir ki, bu barədə MTI agentliyi Siyartoya istinadən məlumat yayıb.
Nazirin sözlərinə görə, Avropa İttifaqının strateji sənədlərində quruma daxil ölkələrin 2029-cu ilə qədər döyüş hazırlığına nail olmaları göstərilib.
Siyartonun fikrincə, bu, 2030-cu ildə Avropa ilə Rusiya arasında müharibə olacağından xəbər verir.
Macarıstanın xarici işlər nazirinin sözlərinə görə, qarşıdakı dövrdə bütün qitənin alovlanması riski var.
