Polşada prokurorluq Rusiyanın sifarşi ilə terror xarakterli diversiya aktlarının törədilməsi ilə bağlı iki Ukrayna vətəndaşına qarşı rəsmi ittiham irəli sürüb.
Oxu.Az "Onet"ə istinadən bildirir ki, bu barədə məlumatı Polşa Milli Prokurorluğunun nümayəndəsi, prokuror Pşemıslav Novak verib.
Novakın sözlərinə görə, müttəhimlər Aleksandr K. və Yevgeni İ. hazırda Belarus ərazisindədirlər və onlar saxlanılmayıblar.
Hər iki ukraynalını ömürlük həbs cəzası gözləyir. Prokuror vurğulayıb ki, iş üzrə digər şəxslər saxlanılıblar, lakin onlara qarşı ittiham irəli sürülməyib.
Xatırladaq ki, noyabrın 18-də Polşanın Baş naziri Donald Tusk istintaqın ölkə ərazisində dəmir yolunda törədilmiş diversiya aktlarının icraçılarınının Rusiya xüsusi xidmət orqanları ilə əməkdaşlıq edən iki Ukrayna vətəndaşı olduğunu hesab etdiyini bildirmişdi.
