Polşanın ən böyük hava limanı olan Varşavadakı Şopen hava limanı sentyabrın 27-i və 28-i gecə saatlarında heç bir uçuş həyata keçirməyəcək.
Oxu.Az xəbər verir ki, bu barədə aeroportun Hava Hərəkətinə Nəzarət Xidmətindən məlumat verilib.
Bu qərarın səbəbi açıqlanmasa da, məlumatın bütün hava məkanı istifadəçilərinə çatdırıldığı bildirilib.
Eyni zamanda, Varşavada fəaliyyət göstərən digər iki hava limanı göstərilən vaxt ərzində iş qrafiklərində hər hansı dəyişiklik barədə məlumat verməyib.
Qeyd edək ki, sonuncu dəfə Şopen Hava Limanı müvəqqəti olaraq sentyabrın 10-da fəaliyyətini dayandırmışdı.
