Polşanın keçmiş prezidenti, Nobel mükafatı laureatı Lex Valesa xəstəxanaya yerləşdirildiyini bildirib.
Oxu.Az-ın "RİA Novosti" agentliyinə istinadla verdiyi xəbərə görə, 81 yaşlı Valesa "Facebook"da xəstəxana çarpayısında çəkilmiş şəklini yayıb.
Valesanın köməkçisi Marek Kaçmar keçmiş prezidentin təcili əməliyyat olunduğunu bildirib:
"Prezidentin səhhəti yaxşıdır. O, hazırda Varşava xəstəxanalarından birindədir. Bu gün xəstəxananı tərk etməyəcək".
Lakin Kaçmar Valesanın hansı əməliyyat keçirdiyini açıqlamayıb.
Qeyd edək ki, Valesa uzun müddətdir diabetdən əziyyət çəkir və ürəyində problemlər var.
