"Porsche" tank istehsal edəcəyinə dair xəbərlərə aydınlıq gətirib

"Porsche SE" holdinqi tank istehsalına qayıtmağı planlaşdırmır".

Oxu.Az "RİA Novosti"yə istinadla xəbər verir ki, bunu Almaniyanın "Porsche SE" holdinqinin nümayəndəsi Kristof Tsemelka şirkətin tank və silah istehsalına qayıtmaq niyyətində olduğuna dair yayılan məlumatlara münasibət bildirərkən deyib.

"Porsche"nin yenidən tank istehsal edəcəyi ilə bağlı səslənən bəyanata gəldikdə, mən bunu tamamilə dəqiq və birmənalı şəkildə təkzib edə bilərəm", - deyə o vurğulayıb.

16:28

Almaniyanın məşhur "Porsche" konserni tank və silah istehsalına başlamaq imkanlarını nəzərdən keçirir.

Oxu.Az-ın xəbərinə görə, "Europäische Sicherheit und Technik" nəşri yazıb.

Bildirilib ki, təkcə keçən il "Porsche" Almaniyanın avtomobil biznesinin zəifləməsi səbəbindən 20 milyard avro itirib. İndi şirkət rəhbərliyi gəlirli silah biznesinə girmək üçün "Volkswagen"in nümunəsini öyrənir.

Qeyd edək ki, "Porsche" sonuncu dəfə 1960-cı illərdə "Leopard 1" tanklarının hazırlanması və istehsalına başlandığı zaman silahlarla işləyib.